ஜனாதிபதி மஹிந்த ராஜபக்ஸ தலைமையிலான அரசாங்கத்தில் பிரதியமைச்சர் பதவிகளை பெறுவதற்காக காத்திருந்த முஸ்லிம் காங்கிரஸ் எம்.பி.க்கள் சிலர் ஏமாற்றமடைந்துள்ளதாக தெரிவிக்கப்படுகிறது.
அரசாங்கத்தின் பங்காளி கட்சியான தமக்கு சில பிரதியமைச்சு பதவிகளை அரசாங்கம் வழங்குமென முஸ்லிம் காங்கிரஸ் எம்.பி.க்கள் காத்திருந்தனர். கிழக்கு மாகாண சபை தேர்தலின் போது அரசாங்கத்திற்கு ஆதரவளிப்பதற்கு விதித்த நிபந்தனைகளில் பிரதியமைச்சு விவகாரமும் ஒன்றாகும்.
இதுதொடர்பில் முஸ்லிம் காங்கிரஸ் எம்.பி. ஒருவர் தொலைபேசி மூலமாக எமது இணையத்திற்கு வழங்கிய தகவல்கள் வருமாறு,
பிரதியமைச்சு பதவிகள் பெறுவதற்காக சில முஸ்லிம் காங்கிரஸ் எம்.பி.க்கள் ஓடி அலைந்தமை உண்மையாகும். அவர்கள் தற்போது ஏமாற்றமடைந்துள்ளனர். தலைவர் ரவூப் ஹக்கீம் தற்போது இந்தியாவில் உள்ளார். அவர் இன்று மாலைதான் நாடு திரும்பவுள்ளார். அவருக்கு தெரியாமலேயே அமைச்சுப் பதவி வழங்கப்பட்டுள்ளது என்றார்.
