வழிபாட்டுத் தளங்கள் மீது தாக்குதல் நடாத்த முயற்சி - பொலிஸ் மா அதிபர்

நாட்டில் மீளவும் குழப்பங்களை ஏற்படுத்தி இனவாதத்தை தூண்டி அதன் மூலம் வர்த்தக மற்றும் மத வழிபாட்டுத் தளங்கள் மீது தாக்குதல் நடாத்தும் முயற்சி எடுக்கப்பட்டு வருவதாக புலனாய்வுப் பிரிவினர் எச்சரிக்கை விடுத்துள்ளனர்.

இனவாதத்தை தூண்டும் வகையில் செயற்படும் நபர்களை கைது செய்து அவர்களுக்கு எதிராக கடுமையான சட்ட நடவடிக்கை எடுக்குமாறு பொலிஸ் மா அதிபர் என்.கே. இளங்கக்கோன் உத்தரவிட்டுள்ளார்.

ஏதேனும் ஓர் இடத்தில் இனக்கலவரம் இடம்பெற்றால் உடனடியாக சென்று நிலைமையை கட்டுப்பாட்டுக்குள் கொண்டு வருமாறு பொலிஸ் உயர் அதிகாரிகளுக்கு பணிப்புரை விடுக்கப்பட்டுள்ளது.

திட்டமிட்ட குழுக்களினால் தாக்குதல் நடத்தப்படக் கூடிய சில முக்கிய வர்த்தக நிலையங்கள் கட்டிடங்களுக்கு விசேட பாதுகாப்பு வழங்கப்பட்டுள்ளது என தெரிவித்துள்ளார்.

திட்டமிட்ட வகையில் இனங்களுக்கு இடையில் முறுகல் நிலைமையை ஏற்படுத்த சிலர் முயற்சித்து வருவதாக தகவல்கள் கிடைக்கப்பெற்றுள்ளதாக பிரதிப் பொலிஸ் மா அதிபர் அனுர சேனாநாயக்க தெரிவித்துள்ளார்.

திட்டமிட்ட வகையில் இன மத முறுகலை ஏற்படுத்த முயற்சிப்போரின் வதந்திகளுக்கு மக்கள் செவிமடுக்க வேண்டியதில்லை