இலங்கை கிரிக்கெட் வீரர்களுக்கு எதிராக கொழும்பில் பௌத்த பிக்குகள் ஆர்ப்பாட்டம்

இந்தியாவில் நடைபெறும் ஐ.பி.எல் போட்டித் தொடரில் பங்கு கொள்ள சென்றுள்ள இலங்கை கிரிக்கட் வீரர்களுக்கு எதிராக இன்று 03-04-2013  கொழும்பில் ஆர்ப்பாட்டம் ஒன்று நடத்தப்பட்டது.

ராவணபலய என்ற அமைப்பு பௌத்த பிக்குகளின் அமைப்பு இந்த ஆர்ப்பாட்டத்தை நடத்தியது. கொழும்பில் உள்ள சிறிலங்கா கிரிக்கட்டின் காரியாலயத்துக்கு முன்னதாக இந்த ஆர்ப்பாட்டம் நடத்தப்பட்டது.

இலங்கை கிரிக்கட் வீரர்களுக்கு எதிராக தமிழகத்திலும் ஆர்ப்பாட்டங்கள் நடத்தப்படுகின்றன. இதற்கு எதிர்ப்பை வெளிக்காட்டும் வகையில், இலங்கை வீரர்கள் இந்த போட்டிகளை புறக்கணிக்க வேண்டும் என்று இராவணபலய அமைப்பு தெரிவித்துள்ளது.